Mən 1 nömrəli Uşaq Yoluxucu Xəstəliklər Xəstəxanasından şikayətçiyəm. Dövlət xəstəxanasında nə sabun, nə spirt, nə dezinfeksiya, nə də təmizlik məhsulları var.

Xəstəxananın həkimləri uşaqla rəftarı bilmir. Heç həkimlikdən də başları çırmır. Uşaqların damarından qan ala bilmirlər”.

 

 

XALQ.AZ xəbər verir ki, bu barədə sosial şəbəkələrdə uşağını müalicə üçün sözügedən xəstəxanaya aparan Nigar Rəsulova adlı xanım yazıb. O bildirib ki, xəstəxanadakı həkimlər damar iynəsi vurulmalı olan uşaqların damarını tapa bilmir, azyaşlıların qolunu dəfələrlə deşməli olurlar:

 

“Xəstəxananın yatış şöbəsi dəhşətdir. Yaşlı və eynəkli bir tibb bacısı uşaqlarla çox kobud rəftar edirdi. Şikayət edəcəyim üçün adını öyrəndim, ancaq demədi adını. Uşaqların üstünə necə qışqırırsa, körpələr yatanda da diksinirdi. Valideynlərlə, uşaqlarla çox kobud rəftar edirlər. Damar iynəsi vura bilmirlər uşaqlara. Uşaqdan qan götürmək üçün 6 dəfə iynəni salıb çıxardılar, amma damara düşə bilmədilər.

Xəstəxanada sabun, spirt, dezenfeksiya və təmizlik üçün heç nə yoxdur. Başa düşmürəm, dövlət ölkənin 1 nömrəli Uşaq Yoluxucu Xəstəliklər Xəstəxanasına sabun vermir? Yoxsa verir, həkimlər, tibb bacıları, baş həkim özləri mənimsəyir?
Həkimləri çox savadsızdır. Uşağın prablemini deyirəm, “Allah şəfa versin” deyib gedirlər. Nə müalicə edirlər, nə maxırlar, nə maraqlanırlar. Boş-boş yatızdırırlar uşaqları, amma müalicə edən yoxdur”.

Xəstəxanadan iddialarla bağlı heç bir açıqlama almaq mümkün olmadı. Onlarında fikirlərini dərc etməyə hazırıq.