Avropa Komissiyası üzv ölkələrdən xüsusən nəqliyyat sektorunda neft və qaz istifadəsini azaltmağı xahiş edir.

Axar.az xəbər verir ki, bu barədə “Politiko” nəşri AB-nin enerji rəhbəri Dan Yorgensenə istinadla məlumat yayıb.

Məlumata görə, Yorgensen Yaxın Şərqdəki münaqişə səbəbindən artan qiymətlər fonunda AB sakinlərinə yanacağa qənaət etmək üçün daha az maşın sürməyi və daha az təyyarə ilə uçmağı təklif edib.

Avropa enerji nazirləri çərşənbə axşamı enerji böhranının necə həll ediləcəyini müzakirə etmək üçün təcili iclas keçirəcəklər.