Ağstafa rayonunda ölkəmizin azadlıq və suverenliyinin bərqərar olması naminə canlarını fəda edən şəhidlərimizin əziz xatirəsi böyük hörmət və dərin ehtiramla yad olunur. Ağstafa RİH başçısı Seymur Orucovun, şəhidlərimizin doğmalarının və rayon ictimaiyyətinin nümayəndələrinin iştirakı ilə şəhər, qəsəbə və kəndlərdə şəhidlərimizin məzarlarının ziyarətləri davam etdirilir. Qəhrəman şəhidlərmizin məzarları üstünə gül dəstələri düzülür, ruhuna dualar oxunur. Onların Vətən uğrunda nümayiş etdirdikləri qəhrəmanlıq nümunəsinə, keçdikləri şərəfli ömür və döyüş yollarına bir daha nəzər salınır.