Maklerlər  Abşeron rayon icra hakimiyyətinin səlahiyyətli şəxsləri ilə  anlaşaraq qanunsuz tikintilərini rahat şəkildə həyata keçirirlər

Son illər Abşeron rayonunda sənədiz evlərin tikintisi artıb.  Masazır qəsəbəsində tüğyan edən qanunsuz həyət evlərinin tikintisinə bir qrup makler rəhbərlik edir.

Ev satışı ilə məşğul olan maklerlər Abşeron rayon İcra Hakimiyyətinin səlahiyyətli şəxsləri  ilə anlaşaraq, heç bir rəsmi icazə olmadan qanunsuz olaraq evlərin tikintisini rahat şəkildə aparırlar.

XALQ -ın əldə etdiyi məlumata görə hazırda Masazır qəsəbəsində sənədiz evlərin tikintisi Murtuza Muxtarov küçəsində (569-cu marşurutun sonuncu dayancağı) həyata keçirilir.

Ərazidən tikilən evlər “KH İnşaat“ adlı şirkət tərəfindən vətəndaşlara kredit yoli ilə satışını təklif edir. Hətta sosial platformada “Kreditlə həyət evləri” səhifəsi hər gün canlı açaraq vətəndaşları sərfəli qiymətlərlə ev almalarına səsləyir.

Elan edirlər ki guya evlərin sənədləri var lakin alıcı  cəlb etdikdən sonra sənədli evin satıldığı bildirərək kreditlə sərfəli şərtlərlə, ilkin ödəniş az miqdarda olmaqla qısa müddətdə tikilən evlər satırlar.

Əldə etdiyimiz məlumatda bildirilir ki, Murtuza Muxtarov küçəsində “KH İnşaat“ adlı şirkət tərəfindən tikilən evlərin sadəcə torpaq sənədi mövcuddur. Məlumatda qeyd olunur ki, ərazidə tikilən evlərin 2-də sənəd varsa digərləri sənədsizdir. Yəni qanunun tələbinə uyğun olaraq “KH İnşaat“ adlı şirkət tərəfindən inşa edilən həyət evlərinin tikintisi üçün Dövlət Şəhərsalma və Arxitektura Komitəsinin və FHN-nin Tikintidə Təhlükəsizliyə Nəzarət Dövlət Agentliyinin heç bir rəsmi icazəsi yoxdur.

Ancaq Abşeron rayon İcra Hakimiyyəti səlahiyyətli şəxsləri ilə  “anlaşan” “KH İnşaat“ adlı şirkət Dövlət Şəhərsalma və Arxitektura Komitəsini və FHN-nin Tikintidə Təhlükəsizliyə Nəzarət Dövlət Agentliyini saya salmır.

XALQ -ın əldə etdiyi digər ilginc məlumatda isə bildirilir ki, ərazidə tikilən sənədsiz evlərə işıq, qaz və su sayğacları quraşdırılır. Belə ki, “KH İnşaat“ şirkətini idarə edən maklerlər, İri Şəhərlərin Birləşmiş Su Təchizatı Xidmətinin və “Azərqaz”-ın Abşeron rayonunda yerləşən idarələri ilə hansısa vasitələrlə “anlaşaraq” sayğac məsləsini həll edirlər.

Masazır qəsəbəsində baş verən qanunsuzluqları aidiyyatı qurumların görməməzliyi isə o anlama gəlir ki, Abdin Fərzəliyevin rəhbərlik etdiyi Abşeron rayonunda “razılaşma”  ilə  istənliən qanunsuz işləri görmək olar.

Məsələ ilə bağlı Abşeron rayon icra Hakimiyyətindən, Dövlət Şəhərsalma və Arxitektura Komitəsinin və FHN-nin Tikintidə Təhlükəsizliyə Nəzarət Dövlət Agentliyindən heç bir açıqlama almaq mümknü olmadı.

Qurumların və  “KH İnşaat“ şirkətinin  mövqeyini dərc etməyə hazırırq.

Araşdrımamız davam edir.