Tanınmış iş adamı Osmanlı Faiq Yunis oğlu barəsində Bakı Kommersiya Məhkəməsinə edilən müraciətə baxılacaq tarix açıqlanıb.

XALQ.AZ -ın məlumatına görə Dövlət Vergi Xidməti 9 saylı Ərazi Vergilər İdarəsinin müraciətinə hakim Kənan Hüseynovun sədrliyi ilə noyabrın 6-da baxılacaq.

Bildiririk ki, İdarə iddiada borcun ödənmədiyi təqdirdə biznesmenin ölkədən çıxışına qadağa qoyulmasını istəyir.

Məlumat verir ki, Faiq Osmanlı “Badamlıq” MMC-nin qanuni təmsilçisidir.

O keçmiş Milli Məclisin deputatı olmuş Ceyhun Osmanlının qardaşıdır. “AZORGANIK” Kənd Təsərrüfatı Korperativinin sədri vəzifəsində çalışır.