Abşeron rayonu  Güzdək ərazisində qanunsuz daş, qum və çınqıl çıxarılan mədənlərin fəaliyyətinə kimlər icazə verib?

Heç bir rəsmi icazəsi olmadan fəaliyyət göstərən karxanalar vergidən yayınır və əraziyə ekoloji zərər vururlar. Bu səbəbdən Ekologiya və Təbii Sərvətlər Nazirliyin yanında Dövlət Mineral Xammal Ehtiyatları Agentliyi, Dövlət Əmlak Komitəsi və Vergi orqanlarıvə Əmək müfəttişliyi  tərəfindən ciddi nəzarət olunmur.

Qeyd edək ki, belə qanunsuz işlədilən daş, çınqıl karxanaların əksəriyyəti kimlərinsə himayəsi ilə fəaliyyət göstərir.

İşçilərin heç bir təhlükəsiz qaydalarına  riayət etmədən fəaliyyət göstərən karxanalara əmək müfəttişliyi niyə göz yumduğu məammalıdır?

XALQ xəbər verir ki, “Ağburun” Koorparativinin rəhbəri Bəhram Məlikovun heç bir rəsmi icazəsi olmadan fəaliyyət göstərən daş karxanası  kimlər tərəfindən himayə olunması artıq hüquq-mühafizə orqanlarının araşdırması səlahiyyətindədir.

Məlumat üçün bildirir ki, “Ağburun” Koorparativinin rəhbəri Bəhram Məlikov aidiyyatı qurumlar tərəfindən inzibati məsuliyyətə cəlb olunmasına baxmayaraq yenidən qanunsuz fəaliyyətini davam etdirməkdədir.

 Qeyd edək ki, Ekologiya və Təbii Sərvətlər Nazirliyinə sorğu gödərilib.

Məsələ ilə bağlı aidiyyatı qurumlardan heç bir açıqlama almaq mümkün olmadı.