Millət vəkili, Milli Məclisin Ailə, qadın, uşaq məsələləri komitəsinin sədr müavini Jalə Əliyeva 6 fevral tarixində Kürdəmir rayonunun Muradxanlı, Sor-Sor və Çöl Ərəb kəndlərindən olan seçicilərini qəbul edib.

XALQ.AZ  məlumat verir ki,qəbuldan öncə, ölkədə gedən böyük quruculuq işləri, Böyük Zəfərimiz haqqında danışan millət vəkili, Qarabağımızın yenidən dirçəldilməsi, bütün suveren ərazilərimizin ən qısa zamanda dünya standartları çərçivəsində bərpa edilməsi, böyük Qayıdış proqramının həyata keçirilməsi istiqamətində atılan böyük addımlardan, həyata keçirilən nəhəng layihələrdən söz açıb. Eyni zamanda, sadəcə Qarabağda deyil, həm də bütün şəhər və kəndlərimizdə köklü dəyişikliklərin getdiyini, kənd ilə şəbər arasındakı fərqin tamamilə aradan qalxdığını ifadə edib. Kürdəmir rayonunun da əksər kəndlərindı qaz, su, işıq xətləri yenilənib, yeni yollar, məktəblər, bağçalar, tibb müəssisələri, inzibati binalar, turizm obyektləri inşa edilib. Quruculuq işlərinin davam etdirildiyini bildirən millət vəkili, vətəndaşlardan daxil olan müraciət, xahiş və təkliflərə hər zaman həssaslıqla yanaşıldığını, həllinə ehtiyac olan məsələlərlə bağlı müvafiq icra orqanları qarşısında məsələlərin qaldırıldığını və müsbət həllinə nail olmaq üçün hər zaman çalışıldığını bildirib.