Kür çayının səviyyəsi yenidən artıb
Azərbaycanda Kür çayının səviyyəsi yenidən artıb.
Son iki gündə Salyan rayonunda suyun səviyyəsi 20 sm, Sabirabadda 30 sm, Neftçalada isə 12 sm artım var.
Salyan rayon sakinlərinin Qaynarinfo-ya verdiyi məlumata görə, Kür çayının səviyyəsinin artması bir neçə gün öncə güclü yağan yağışların nəticəsidir:
“Bu dağ çaylarından keçən sellə əlaqəlidir. Mingəçevir su anbarından Kürə buraxılan su kütləsi nisbətən artırılıb. Kürün səviyyəsinin artması ot və əkin sahələrinə ziyan vurub”.
