ABŞ və İsrail İranda hakimiyyət dəyişikliyi ilə bağlı olduqca gözlənilməz bir ssenarini nəzərdən keçirib. Belə ki, ölkə rəhbərliyinə keçmiş prezident, radikal anti-Amerika və anti-İsrail baxışları ilə tanınan siyasətçi Mahmud Əhmədinejatın gətirilməsi planlaşdırılır.

İsrailin müharibənin ilk günü Əhmədinejatın Tehrandakı evinə endirdiyi zərbənin onu öldürmək etmək cəhdi deyil, ev dustaqlığından azad edilməsi əməliyyatının bir hissəsi olduğu iddia edilir. Mənbələrin bildirdiyinə görə, məqsəd həm də eks-prezidentə nəzarət edən mühafizə xidmətini məhv etmək olub.

“NYT” həmsöhbətlərinin sözlərinə görə, Əhmədinejat zərbələr zamanı sağ qalsa da, yaralanıb. Bundan sonra onun rejim dəyişikliyi planında iştirak etməkdən imtina etdiyi bildirilir. O vaxtdan bəri siyasətçi ictimaiyyət qarşına çıxmayıb, onun harada olması və vəziyyəti qeyri-müəyyən olaraq qalır.

Həmçinin qeyd olunur ki, son illərdə Əhmədinejat İsrail ilə sıx münasibətləri olan ölkələrə, o cümlədən Qvatemala və Macarıstana səfərlər edib. Xüsusilə onun müharibənin başlamasından az əvvəl Budapeştə etdiyi səfərlər diqqət çəkib.

Əgər “NYT”-nin məlumatları təsdiqlənərsə, bu, bütün müharibənin ən gözlənilməz epizodlarından biri: onilliklər boyu sərt anti-İsrail və anti-Amerika xəttinin simvollarından biri hesab olunan bir fiqurun İranda hakimiyyətə gətirilməsi cəhdi ola bilər.

 “The New York Times”