“Mega Palace”, “Bəyaz Saray”, “Fəridə” şadlıq sarayları cərimələndi
Bakı şəhərində fəaliyyət göstərən ictimai-iaşə obyektlərində 11 saylı Regional Ekologiya və Təbii Sərvətlər İdarəsi və Ətraf Mühitin Çirklənməsinin Monitorinq Qrupunun əməkdaşları tərəfindən son bir həftə ərzində keçirilən monitorinqlər zamanı “Mega Palace”, “Bəyaz Saray”, “Fəridə” şadlıq saraylarından, “İmperator”, “Kənd Qəbələ”, “Niaqara”, “Qədim Bərdə”, “Çinaraltı Kabab”, “Qoca Çinar” və “Lüks Dönər” restoranlarından havaya normadan artıq tullantı atıldığı müəyyən edilib.
XALQ xəbər verir ki,bu barədə Ekologiya və Təbii Sərvətlər Nazirliyi məlumat yayıb.
Məlumatda qeyd edilir ki, faktlarla bağlı sözügedən obyektlərin məsul şəxsləri barəsində protokol tərtib edilərək hər birinin 2500 manat məbləğində cərimə olunması ilə bağlı qanunamüvafiq tədbirlər görülür.
