Millət vəkilləri müəllimləri belə təbrik etdi
Bu gün müəllimlərin peşə bayramıdır. Milli Məclisin deputatları sosial hesablarında müəllimləri təbrik edib.
XALQ.AZ həmin paylaşımları təqdim edir:
****
Fatma Yıldırım millət vəkili
Əziz həmvətənlər!
Bu gün 5 Oktyabr – Beynəlxalq Müəllimlər Günüdür. Müəllim peşəsi çox müqəddəsdir. Çünki sağlam cəmiyyətin formalaşmasında, yüksək mənəviyyatlı, bilikli, savadlı, vətənpərvər nəslin yetişməsində müəllimlərin zəhməti başlıca rol oynayır. Müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar yetişir. Biz hamımız həyatımızda əldə etdiyimiz nailiyyətlərə görə ilk növbədə müəllimlərimizə borcluyuq.
Əziz Müəllimlər!
Sizi 5 oktyabr – Beynəlxalq Müəllimlər Günü münasibətilə təbrik edir, cansağlığı, uzun ömür arzulayırıq!
*****
Nəsib Məhəməliyev millət vəkili
5 Oktyabr-Beynəlxalq MÜƏLLİMLƏR GÜNÜ münasibətilə, bu şərəfli peşənin daşıyıcılarını ən xoş arzularla təbrik edirəm.
BAYRAMINIZ MÜBARƏK!!!
*****
Məşhur Məmmədov millət vəkili
Əziz müəllimlər, sizi Beynəlxalq Müəllimlər Günü münasibətilə təbrik edir, gələcək nəslin inkişafı yolunda göstərdiyiniz fədakar işlərinizdə uğurlar arzulayırıq!
Ömürlərini elm və təhsilə həsr edən, daim öyrənmək və öyrətmək ruhu ilə yaşayan dəyərli müəllimlərimiz hər kəs üçün əvəzolunmaz dəyərə malikdir.
Peşə bayramınız mübarək!
*****
Mahir Süleymanlı millət vəkili
Beynəlxalq Müəllimlər günü münasibətilə şərəfli və çətin peşə sahibləri olan müəllimlərimizi səmimi qəlbdən təbrik edir, təhsilimizin uğurlu gələcəyi, gənc nəslin təlim-tərbiyəsi, inkişafı, şəxsiyyət kimi formalaşması yolunda böyük əmək və fədakarlıq nümayiş etdirən müəllimlərimizə fəaliyyətlərində yeni-yeni nailiyyətlər arzulayıram.
Gününüz mübarək əziz müəllimlər!
****
Aydın Hüseynov, millət vəkili
Dünyada ən çətin, eyni zamanda ən şərəfli və gözəl peşələrdən biri, fədakar əməyi sayəsində cəmiyyətimizin formalaşmasında, ali dəyərlərə malik savadlı, dünyagörüşlü, əxlaqlı, mədəni insanlar yetişdirilməsində misilsiz xidmətləri olan müəllimləri Beynəlxalq Müəllimlər Günü münasibətilə ürəkdən tərbik edir, hər birinə can sağlığı, uzun ömür arzulayırıq.
*****
Vasif Qafarov millət vəkili
Əziz və dəyərli müəllimlər!
Sizi 5 oktyabr – Beynəlxalq Müəllimlər Günü münasibətilə ürəkdən təbrik edir, müqəddəs, şərəfli və məsuliyyətli işinizdə Sizə uğurlar arzulayıram.
****
Pərvin Kərimzadə millət vəkili
Hörmətli müəllimlər, dəyərli həmkarlar hər birinizi Beynəlxalq Müəllimlər Günü münasibətilə ürəkdən təbrik edirəm. Sizə can sağlığı, işlərinizdə uğurlar, ailə həyatınızda səadət arzu edirəm.
Şərəfli peşə sahibləri, bu ada layiq olan əziz müəllimlər, həyatım boyu minnətdarlıqla xatırladığım bütün müəllimlərim Peşə bayramınız mübarək!!!
Bu günün və gələcəyin müəllimləri olan əziz tələbələrim, bayramınız mübarək!
****
Elnarə Akimova millət vəkili
Bu gün Beynəlxalq müəllimlər günüdür. Ömrümdən keçən yaxşı müəllimlər oldu. Adları və ruhları qarşısında baş əyirəm! İndi də tanıdığım və tanımadığım, müəllim adının ucalığını şərəflə daşıyan müəllimlər var. Fədakar, yorulmaz, şagirdlərinə yalnız bilik deyil, həm də bir dünya işıq və sevgi ötürməyi bacaran bütün müəllimlərin günü mübarək olsun!
****
Ülviyyə Həmzəyeva millət vəkili
Müəllim adını ləyaqətlə daşıyan şərəfli peşə sahiblərini – müəllimlərimizi, öyrədənləri peşə bayramları münasibəti ilə içdən təbrik edirəm! Dəyərli müəllimlərimiz! Peşə bayramınız mübarək olsun!
****
Jalə Əliyeva millət vəkili
Əziz müəllim həmkarlar! Peşə bayramımız mübarək olsun!
*****
Könül Nurullayeva millət vəkili
Hər il oktyabr ayının 5-i bütün dünyada Beynəlxalq Müəllimlər Günü kimi qeyd olunur. Hər bir fərdin düzgün təlim-tərbiyə almasında danılmaz əməkləri olan, o cümlədən onlara sonsuz torpaq, vətən, bayraq sevgisini böyük həvəs və zəhmətlə aşılayan bütün müəllimlərimizi peşə bayramı münasibətilə səmimi-qəlbdən təbrik edir, onlara məsuliyyətli fəaliyyətlərində bol-bol uğurlar arzu edirəm!
******
Afər Həsənova millət vəkili
ƏZİZ MÜƏLLİMLƏRİMİZ!
Sizləri peşə bayramınız münasibəti ilə səmimi qəlbdən təbrik edir, hər birinizə can sağlığı, ailə səadəti və müvəffəqiyyətlər arzulayıram.
Bayramınız mübarək.
*****
Zahid Oruc millət vəkili
5 oktyabr – Müəllimlər günü
Müəllim – elm və mədəniyyətin körpüsü, cəmiyyətin aydın sabahını formalaşdıran şəxsiyyətdir!
Əziz müəllimlər, gününüz mübarək!
*****
Tahir Mirkişili millət vəkili
Əziz müəllimlər!
Sizi Beynəlxalq müəllimlər günü münasibətilə təbrik edir, gənc nəslin savadlı və vətənpərvər ruhda yetişdirilməsi naminə göstərdiyiniz fədakar fəaliyyətinizdə Sizə uğurlar arzulayıram!
****
Mehriban Vəliyeva millət vəkili
Azərbaycan müəllimləri dünyanın bütün müəllimlərindən daha üstündür! Çünki bizim müəllimlər vətəni üçün tərəddüd etmədən canlarından keçən igid oğullar yetişdirib! Əziz müəllimlər, gününüz mübarək olsun! Sizi ürəkdən təbrik edirəm!
*****
Müşfiq Məmmədli millət vəkili
Peşəsindən asılı olmayaraq hamı sizin qarşınızda baş əyir. Cəmiyyətimizin formalaşmasında sizin əməyiniz yüksəkdir, əziz müəllimlər. Ümumdünya müəllimlər günü münasibəti ilə sizlərin hər birini təbrik edir, gələcək fəaliyyətinizdə uğurlar arzulayıram!
****
Əminə Ağazadə millət vəkili
Ümummilli lider Heydər Əliyev: “Müəllimlik peşəsi ən yüksək qiymətə layiq olan peşədir”.
Əziz müəllimlər!
5 oktyabr Beynəlxalq Müəllimlər Günü münasibətilə hər birinizi səmimi qəlbdən təbrik edir, vətənimizin gələcəyi olan uşaqların və gənclərin təhsili naminə çətin və şərəfli fəaliyyətinizdə yeni-yeni uğurlar diləyirik!
Bayramınız mübarək!
****
Şahid Seyidzadə millət vəkili
Bu gün 5oktyabr – Beynəlxalq Müəllimlər Günüdür. Gələcək nəsillərin inkişafında və cəmiyyətin irəliləməsində böyük rol oynayan dəyərli müəllimlərimizi, həmkarlarımı ürəkdən təbrik edirəm!
Sizin zəhmətiniz, fədakarlığınız və öyrətməyə olan sevginizin bəhrəsidir ki, yeni nəslin dünyaya baxışı, düşüncə tərzi və inkişafı formalaşır. Sizin sayənizdə təhsil, həyatın ən qiymətli sərmayəsinə çevrilir.
Uğurlarınız bol, yolunuz işıqlı, sağlamlığınız isə möhkəm olsun!
****