Milli Məclisin deputatı Novruzəli Aslanov 14 avqust 2025-ci il tarixində İsmayıllı rayonunda növbəti dəfə seçiciləri qəbul edib.

XALQ  xəbər verir ki, bu dəfəki qəbul rayonun Kəlbənd kəndində keçirilib. Görüşdə yaxınlıqda yerləşən Yenikənd və Girk kəndlərinin sakinləri də iştirak ediblər.

Tədbirin gedişində vətəndaşları narahat edən sosial yönümlü məsələlər və şəxsi müraciətlər müzakirə olunub. Xüsusilə Yenikənd və Girk kəndlərində yaşanan içməli su problemi diqqət mərkəzinə gətirilib. Novruzəli Aslanov sakinlər tərəfindən qaldırılan sosial yönümlü məsələləri və şəxsi müraciətləri qeydə alıb və onların həlli məqsədilə müvafiq qurumlar qarşısında məsələ qaldıracağını bildirib.

Deputat Novruzəli Aslanovun keçirdiyi qəbulda iştirak edən Kəlbənd, Yenikənd və Girk kənd sakinləri, eləcə də rayon ictimaiyyətinin nümayəndələri cənab Prezident İlham Əliyevə və Birinci vitse-prezident Mehriban xanım Əliyevaya İsmayıllı rayonuna göstərilən diqqət və qayğıya görə minnətdarlıqlarını bildiriblər.