Naxçıvan MR Rəssamlar Birliyinin B.Kəngərli adına Sərgi Salonunda 26 iyun – Azərbaycan Respublikası Silahlı Qüvvələr Günü münasibətilə “Ordun varsa-Yurdun var” adlı sərgiyə baxış və şəhid portretlərinin təqdimat mərasimi keçirilib.

Tədbirə başlamazdan öncə Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib. Naxçıvan MR Rəssamlar Birliyinin sədri, Milli Məclisin deputatı Ülviyyə Həmzəyeva bu günün önəmi və tədbirin mahiyyəti haqqında çıxış nitqi ilə tədbiri açıq elan edib. Sonra şəhid atası Yavər Orucov, şəhid bacısı, sənətşünas Nizami Alıyev, əməkdar rəssam Həmzə Sadiqov, Rəssamlar Birliyinin üzvləri: Tapdıq Həmzəyev, Sabir Məmmədov, Elman Cəfərov, Qəhrəman Tağıyev və Heydər Əliyev Hərbi Liseyin müəlliməsi çıxış edərək, tədbiri yüksək qiymətləndirmişlər. Çıxışlardan sonra,

Şahbuzlu şəhidimiz Orucov Elşən Yavər oğlunun və

Əliabad şəhidi Əsgərov Ələsgər Zakir oğlunun portretləri rəssamlar tərəfindən ailələrinə təqdim edildi və sərgi ekspozisiyasına baxış keçirildi.

Sərgidə zəhməti olan hər kəsə, o cümlədən dəvət olunan rəssamlarımıza və H. Əliyev adına Hərbi Liseyin rəhbərliyinə iştirakları üçün təşəkkür edirik.