Azərbaycanda son illər avtomobil krediti, yaxud lizinq, girovu ilə pul verilməsi artıb. Sosial şəbəkələrdə reklam olunan müxtəlif təşkilatlar avtomobili girov saxlamaqla vətəndaşlarla yüksək faizlə kredit, sələm verirlər. Qanunla qadağan olunmasına baxmayaraq sosial şəbəkələrdə bir çoxları açıq-aşkar bu fəaliyyətlərini reklam etməklə məşğuldurlar.

XALQ  AzFakt.com istinaən xəbər verir ki, sosial şəbəkələrdə qanunusuz lizinq fəaliyyətini reklam edənlər əsasən “Vüsal 300” kimi tanınan məşhur sələmçi Vüsal Abbasovun adamlarıdır. İcazə lisenziyalarının olmamasına baxmayaraq, bu şəxslər, saxta şirkətlərin adı ilə vətəndaşların avtomobillərini girov saxlayaraq yüksək faizlə sələmə pul verirlər.

Son illər hüquq mühavizə orqanları qanunsuz lizinq fəaliyyəti ilə məşğul olan qurumlara, şəxslərə qarşı mübarizəni gücləndirməsinə baxmayaraq, sələmçi “Vüsal 300” -ün sosial şəbəkədəki adamları çoxalıb. Apardığımız kiçik araşdırmada sosial şəbəkələrdə  “Vüsal 300” adamlarına məxsus qanunsuz lizinqi reklam edən səhifələrin bir neçəsini üzə çıxartdıq. Bunlar Avto kredit, Avto_Lizinq_Kredit_999, City Finance, Avto Girov, Avto kredit, Avto Kredit, autolombard.az, Avto Girov adlı səhifələrdir. Qeyd edək ki, “Vüsal 300” -ün adamlarına məxsus səjifələrin sayı sosial şəbəkələrdə bir neçə yüzdən artdıqdır.

Bildirək ki, bir müddət öncə qanunsuz lizinq fəaliyyəti ilə məşğul olan “Vüsal 300” kimi tanınan iş adamı Abbasov Vüsal Şirvan oğlu həbs edilmişdi. Vüsal Abbasova Cinayət Məcəlləsinin 192.3.2-ci (qanunsuz sahibkarlıq, xüsusi külli miqdarda) və 308-ci (Vəzifə səlahiyyətlərindən sui-istifadə) maddələri ilə cinayət işi açılaraq,haqqında məhkəmənin qərarı ilə 3 ay müddətinə həbs qətimkan tədbiri seçilmişdi. Ancaq bir müddət sonra məhkəmə Vüsal Abbasovun həbsini ev dustaqlığı ilə əvəzləyib.

İnanınırıq ki, hüquq-mühafizə orqanları qanunsuz lizinq fəaliyyəti məşğul olaraq vətəndaşlara yüksək faizlə kredit (sələm) verən şəxs və təşkilatlar barədə müvafiq tədbir görəcəklər.