17 iyun 2025-ci il tarixdə Tibb işçilərinin peşə bayramı günü münasibətilə Quba Rayon İcra Hakimiyyətinin başçısı İlqar Mahmudov, “Quba Rayon Mərkəzi Xəstəxanası” publik hüquqi şəxsin direktoru Əliyar Sərvərov və xəstəxananın məsul şəxsləri, həmçinin Quba Tibb Kollecinin direktoru Mikayıl Mirzəliyev və Quba rayon Gigiyena və Epidemiologiya Mərkəzinin direktoru Tahir Nuriyev tərəfindən Ulu Öndər Heydər Əliyevin Quba şəhərində adını daşıdığı Mədəniyyət və İstirahət parkındakı abidəsi ziyarət olunmuş, abidə önünə gül dəstələri düzülmüşdür.

Həmçinin Quba Rayon İcra Hakimiyyətində Respublika Qan Bankının Quba bölməsinin yeni təyin olunmuş sədri Bağırlı Bağır Xubis oğlu ilə görüş keçirilib. Görüş zamanı Quba rayonunda qan xidmətinin təşkili və əhalinin sağlamlığı naminə əməkdaşlığın genişləndirilməsi məsələləri müzakirə olunub. Yeni sədrlə fəaliyyətin daha da səmərəli qurulacağına əminlik ifadə edilib.