“SOCAR Türkiyə” “Millenicom” şirkətini satdı

 Azərbaycan Dövlət Neft Şirkətinin (SOCAR) Türkiyədəki neft emalı, neft-kimya, təbii qaz və enerji ticarətinin əsas iş sahələrində fəaliyyət göstərən törəməsi “SOCAR Türkiyə” şirkəti bu sahələrdən kənar qrup şirkətlərindən olan “Millenicom” telekommunikasiya şirkətini aktivindən çıxarıb.

XALQ.AZ  Türkiyə mətbuatına istinadən xəbər verir ki, “Millenicom  “Albaraka Portföy Yönetimi” A.Ş. Dördüncü Qarışıq Risk Kapitalı İnvestisiya Fondu tərəfindən idarə olunacaq.

Məlumat üçün qeyd edir ki, 2019-cu ildən “SOCAR Türkiyə” qrupuna daxil olan “Millenicom” şirkətinin hansı qiymətə satıldığı  və səbəbi göstərilmir.

Ekspertlərin rəyinə görə şirkətin satılması ilə “SOCAR Türkiyə” nin gəlirlərinin 18-22% faiz arasında azalmasına səbəb olacaq.

Bu barədə “SOCAR Türkiyə”dən heç bir açıqlama almaq mümkün olmadı .