Tədqirəlayiq haldır ki, qəsəbə sakinləri tək sosial və infrastruktur problemləri deyil, mədəniyyət və ya təhsillə bağlı mövzuları da qaldırır, onları narahat edən məqamları aktuallaşdırırlar. Şağan, Mərdəkan və Buzovna qəsəbələri tarixi abidələrlə, milli-mənəvi irs nümunələri ilə zəngindir. Onların qorunması, konservasiyası mövzusunu gələcək fəaliyyətimizdə mütləq halda diqqətdə saxlayacağıq.

Həllinə nail olmaq istədiyimiz digər məsələ bəzi nöqtələrin ictimai nəqliyyat üçün əlçatan olmamasıdır. Qəsəbələrimizdə su qıtlığı problemi də var. Fikrimcə, bu, qarşımızda duran ən vacib məsələlərdən biridir. Ümid edirəm ki, etimad göstəriləcəyi tədqirdə dövlətimizin dəstəyi ilə, seçicilərimizlə həmrəy şəkildə səsləndirilən bütün çətinliklərin aradan qalxmasına öz tövhəmizi verəcəyik.