“Bildirmək istəyirik ki, bizim xırdabuynuzlu heyvanları Dağıstan Gömrük Komitəsindən keçirməyə qoymurlar. Bütün sənədlər qaydasında olsa da, heyvanları Azərbaycan ərazisinə buraxmırlar”.

Hazırda sərhəddə gözləməyə məcbur qaldıqlarını deyən şikayətçilər əlavə edir: “Bizi artıq 12-13 saatdır sərhəddə gözlədirlər. Bizimlə yanaşı, heyvanlar da əziyyət çəkir, neçə saatdır qapalı yerdə qalıblar. Nə bizə, nə də heyvanlara yazıqları gəlir.

Bizdə olan məlumata görə, buna birbaşa Xaçmaz Gömrük İdarəsinin rəisi Pərviz Rəhimov göstəriş verib. Bu oyunu isə bizim başımıza Pərviz müəllimin qohumu olan Hüseynov Teyyub Məmməd oğlu açdırır. Səbəbi bizə də bəlli deyil. Belə deyirlər ki, o, bu sahədə monopolist şəxsdir, bu səbəbdən də başqa kimsəyə ölkəyə heyvan gətirməyə icazə vermirlər.

Bəzi işçilər bizə etiraf edib ki, Hüseynov Teyyub Məmməd oğlu tapşırıq verib. Onların sözlərindən belə çıxır ki, Teyyub müəllimdən başqa Stavropoldan Azərbaycana  kimsə heyvan gətirə bilməz, heç kimə icazə verilmir.

Qeyd edək ki, heyvanların hamısının sənədləri və yoxlanışları olunub. Dözə bilməyən bir neçə heyavnımız artıq tələf olub, külli miqdarda ziyana düşmüşük”.

Şikayətçilərin redaksiyamıza göndərdiyi video-görüntünü də olduğu kimi dərc edirik:

Yazıda adları çəkilən şəxslərin və qurumların mövqeyini dərc etməyə hazırıq.