Azərbaycanlı aktyor Eldar İsgəndərov Grant Singerin çəkəcəyi “Reenactment” adlı filmin aktyor heyətinə qoşulub.

XALQ xəbər verir ki, Eldar İsgəndərov Benisio del Toro, Kameron Diaz və Ana de Armas kimi Hollivud ulduzları ilə tərəf müqabili olacaq.

Filmin süjeti kimi İsgəndərovun rolu da gizli saxlanılır. Çəkilişlərin bu ilin sonlarında Los-Ancelesdə başlaması planlaşdırılır.

Qeyd edək ki, əslən Azərbaycandan olan Eldar İsgəndərov Hollandiya və Belçikada böyüyüb. O, Savanna İncəsənət və Dizayn Kollecinin məzunudur. Onun “Reenactment” filmindəki işi İsgəndərovun bu il oynadığı üçüncü bədii filmdir. O, Jesse Eisenbergin “A24” və “Fruit Tree” filmləri üçün çəkdiyi, hələ yayımlanmamış musiqili komediya layihəsində, eləcə də “Topic Studios” tərəfindən istehsal olunmuş Jordan Firstmanın rejissorluq debütü olan “Club Kid” filmində baş rollarda rol alıb.

Qeyd edək ki, Eldar İsgəndərov Xalq artisti, sevilən filmlərdə baş rol ifacısı Şahmar Ələkbərovun nəvəsidir.