2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası tərəfindən 76 saylı Lənkəran-Masallı seçki dairəsindən deputatlığa namizədliyi irəli sürülmüş Cavanşir Paşazadə avqustun 11-də Vilvan kəndində seçiciləri ilə növbəti görüşünü keçirib. O, ilk olaraq çiyələk bağında fermerlərlə, daha sonra isə kəndin mərkəzində yerləşən çay evində ağsaqqallar və ziyalılarla görüşüb.