Milli Məclisin Əmək və sosial siyasət komitəsinin sədri Musa Quliyev və Şimali Kipr Türk Cümhuriyyəti ilə parlamentlərarası əlaqələr üzrə işçi qrupunun rəhbəri Cavanşir Feyziyev martın 19-da Şimali Kipr Türk Cümhuriyyətinin (ŞKTR) Nikosiya şəhərinə səfər edəcəklər.

Deputatlar burada Azərbaycan-Kipr Dostluq Cəmiyyətinin təşkilatçılığı ilə keçiriləcək “Türk Dünyası Beynəlxalq Novruz Festivalı” adlı silsilə tədbirlərdə iştirak edəcəklər. Silsilə tədbirlərdə iştirak edəcək türkdilli dövlətlərdən olan qonaqlar və ŞKTR-də təhsil alan əcnəbi tələbələr xalqımızın qədim adət-ənənələri ilə tanış olacaqlar.

Səfər martın 23-də başa çatacaq.