Deputatların Müstəqilliyin Bərpası Günü TƏBRİKLƏRİ
Bu gün Azərbaycanın Müstəqilliyinin Bərpası Günüdür.
Milli Məclisin deputatları sosial hesablarında təbrik mətni paylaşıblar.
XALQ.AZ həmin təbrikləri təqdim edir:
****
Ülvi Quliyev Millət vəkili
18 Oktyabr – Müstəqilliyin Bərpası Günüdür!
Yaşasın müstəqil Azərbaycan Respublikası!
****
Fatma Yıldırım Millət vəkili
18 Oktyabr – Müstəqilliyimizin Bərpası Günü münasibətilə hər birinizi ürəkdən təbrik edirəm!
1991-ci ildə dövlət müstəqilliyimiz bərpa olunduqdan sonra xalqımız çətin sınaqlardan keçdi. Ulu Öndər Heydər Əliyevin müəyyənləşdirdiyi siyasət və Prezidentimiz cənab İlham Əliyevin güclü iradəsi sayəsində Azərbaycan bu sınaqlardan şərəflə çıxdı.
Azərbaycanın ərazi bütövlüyünün və suverenliyinin bərpası müstəqillik tariximizin ən mühüm hadisəsi, qızıl səhifəsidir!
Bu gün Azərbaycan tarixinin ən qüdrətli dövrünü yaşayır. Biz müstəqil dövlətimizlə hər zaman qürur duyuruq!
Bayramınız mübarək!
****
Nəsib Məhəməliyev Millət vəkili
“18 Oktyabr Azərbaycan tarixinə “müstəqilliyin bərpası günü” olaraq düşmüşdür. 20-ci əsrin əvvəllərində, 1918-ci ildə ilk dəfə müstəqilliyini elan etmiş Azərbaycan cümhuriyyətinin ömrü cəmi 23 ay çəkdi. 1991-ci ildə ikinci dəfə müstəqilliyini bərpa etmiş respublikanın, özünü cümhuriyyətin varisi elan etməsi, doğru addım oldu”.
Müstəqillik Günü münasibətilə xalqımızı təbrik edirəm”.
****
Ramil Həsən Millət vəkili
Əziz həmvətənlər!
Sizi 18 oktyabr Müstəqilliyin Bərpası Günü münasibətilə təbrik edir. Möhtərəm Prezident Cənab İlham Əliyevin rəhbərliyi altında ölkəmizə davamlı inkişaf, yeni-yeni nailiyyətlər, sülh və firavanlıq arzulayırıq.
****
Jalə Əliyeva millət vəkili
18 oktyabr – ölkə təqviminin, yeni tariximizin parlaq səhifəsi, Azərbaycanın Dövlət Müstəqilliyinin bərpası günüdür. Bu gün müstəqilliyimizin qorunub saxlanması, möhkəmlənməsi, əbədi olması yolunda ölçüyəgəlməz xidmətlər göstərmiş, ömrünü xalqına qurban vermiş, Azərbaycanın dünəninə, bugününə, sabahına öz silinməz imzasını atmış Ulu Öndər Heydər Əliyevi bir daha minnətdarlıqla və ehtiramla anırıq! Bizi Qarabağlı Azərbaycan edən, suverenliyimizin bərpasına nail olan, torpaqlarımızı bütövləşdirən cənab Prezident İlham Əliyevə bir daha sonsuz şükranlarımızı bildiririk! Tanrı Prezidentimizi, Ölkəmizi, Ordumuzu, Xalqımızı qorusun! Bayramınız mübarək olsun!
*****
Günay Ağamalı
Milli Məclisin deputatı, Ana Vətən Partiyasının sədr müavini.
Azərbaycan tarixinin ən önəmli günlərindən biri 18 Oktyabr Dövlət Müstəqilliyimizin Bərpası Günüdür. Artıq 33 ildir ki, onun ildönümünü qeyd edirik. 1991-ci il Oktyabrın 18-də Azərbaycan Respublikası Ali Soveti Dövlət müstəqilliyi haqqında Konstitusiya Aktını qəbul edərək, bütün dünyaya Azərbaycanın müstəqil, demokratik və dünyəvi dövlət olduğunu bəyan etdi.
1993 – cü ildə xalqımızın tələbi ilə Ulu Öndər Heydər Əliyevin siyasi hakimiyyətə qayıdışı müstəqilliyimizin əbədiliyini, sarsılmazlığını və dönməzliyini təmin etdi.
Dövlət başçısı cənab İlham Əliyevin siyasi iradəsi ilə güclənən ölkəmizdə artıq 4 ildir ki, bu tarixi günü ərazi bütövlüyümüzü bərpa edən qalib xalq kimi qeyd edirik. Bu gün hər bir Azərbaycanlı müstəqil, azad, bütövləşən ölkəmizlə fəxr edir, qürur duyur.
Müstəqilliyin mübarək, Azərbaycan!
****
Razi Nurullayev
Milli Məclisin deputatı
Bu gün vətənimiz Azərbaycanda Müstəqilliyin Bərpası Günü qeyd olunur.
Milli Cəbhə Partiyası mütəqilliyimizin bərpasının 33-cü ildönümündə xalqımızı ürəkdən təbrik edir, hər bir Azərbaycan vətəndaşına firavanlıq, rifah, sabitlik, sağlamlıq arzulayır.
Müstəqilliyimiz sarsılmaz, əbədi olsun!
*****
Əminə Ağazadə
Milli Məclisin deputatı
8 Oktyabr – Azərbaycanda Dövlət Müstəqilliyinin bərpası günü qeyd edilir.
Azərbaycan parlamentinin 15 oktyabr 2021-ci il tarixli plenar iclasında “Müstəqillik Günü haqqında” yeni qanun qəbul edilib. Elə həmin gün də Prezident İlham Əliyev tərəfindən “Müstəqillik Günü haqqında” qanun təsdiqlənib.
Qanunun təsdiqlənməsi ilə 18 Oktyabr – Dövlət Müstəqilliyi Gününün adı dəyişdirilərək Müstəqilliyin Bərpası Günü elan edilib.
****
Aydın Hüseynov Millət vəkili
XX əsrin sonunda yaranmış tarixi şərait Azərbaycana öz dövlət müstəqilliyini bərpa etmək imkanı verdi. Azərbaycanın dövlət müstəqilliyi haqqında Konstitusiya Aktının qəbul edilməsindən artıq 33 il ötür
18 Oktyabr – Müstəqilliyimizin Bərpası Günüdür.
Xoşbəxtik ki, qalib, müstəqil bir ölkənin vətəndaşıyıq.
BAYRAMINIZ MÜBARƏK!!!
*****
Ülviyyə Həmzəyeva
Milli Məclisin deputatı
Əziz dostlar!
Azərbaycan Respublikasının Müstəqilliyinin Bərpası Günü münasibəti ilə hər birinizi təbrik edir, ölkəmizə sülh və tərəqqi, xalqımıza firavanlıq, əmin-amanlıq arzu edirəm.
Bu yolda canından, qanından keçənləri dərin hörmət və ehtiramla yad edirik!
*****
Könül Nurullayeva millət vəkili
Dəyərli həmvətənlər!
18 oktyabr tarixi ölkəmizdə Müstəqilliyin Bərpası Günü kimi qeyd olunur. Bu əlamətdar gün münasibətilə mən də öz adımdan bütün Azərbaycan xalqını ürəkdən təbrik edir, istiqlaliyyətimizin əbədi və sarsılmaz olmasını arzulayıram!
****
Vasif Qafarov Millət vəkili
Azərbaycanın müstəqilliyinin bərpa olunmasının 33-cü ildönümü münasibətilə bütün həmvətənlərimi təbrik edirəm.
Bayramımız mübarək olsun!
