Milli Hidrometeorologiya Xidmətində   XALQ.AZ -a küləkli hava şəraiti ilə bağlı sarı və narıncı xəbərdarlıq siqnalı verilib.Oktyabrın 26-27-də Bakıda, Abşeron yarımadasında və bəzi bölgələrimizdə gözlənilən küləkli hava şəraiti ilə bağlı sarı və narıncı xəbərdarlıq verib.

Sarı xəbərdarlıq:

Ağdam, Ağcabədi, Ağdaş, Ucar, Göyçay, Hacıqabul, Ağstafa, Şəmkir, Gəncə, Samux, Tovuz, Kəlbəcər, Astara, Lənkəran, Lerik, Yardımlı, Masallı, Salyan, Siyəzən, Xaçmaz, Xızı, Şabran, Tərtər, Bərdə, Beyləqan, Cəlilabad, Yevlax, Zərdab, Şamaxı, Daşkəsənə aiddir. Qərb küləyinin sürəti 13.9-20.7 m/san təşkil edəcək.

Narıncı xəbərdarlıq:

Bakı və Abşeron yarımadasına, Mingəçevir, Goranboy, Naftalan, Neftçala, Qobustana aiddir.

Bu ərazilərdə şimal-qərb küləyinin sürəti 20.8-28.4 m/san olacağı gözlənilir. Yağıntı həm Bakıda, həm bölgələrdə gözlənilir.

Oktyabrın 26-sı axşamdan 27-si səhərədək Bakıda və Abşeron yarımadasında yağış yağacağı, axşam və gecə yarımadanın bəzi yerlərində leysan xarakterli olacağı ehtimalı var. Temperatur ötən günlərlə müqayisədə tədricən 4-6 dərəcə enəcək.