Əli Hüseynli seçicilərlə görüşdü
Azərbaycan Respublikası Milli Məclisinin deputatı, Milli Məclisin Hüquq Siyasəti və Dövlət Quruculuğu Komitəsinin sədri Əli Hüseynli 2024-cü ilin oktyabr ayının vətəndaş qəbulu cədvəlinə uyğun olaraq, Yevlax rayonunun Xaldan kəndində seçicilərlə görüş keçirib.
XALQ.AZ məlumat verir ki,görüşdə seçicilər yaşadıqları ərazilərdə sosial problemlərlə yanaşı, həmçinin şəxsi məsələrinin həlli istiqamətində müvafiq köməklik göstərilməsi üçün müraciət ediblər.
Müraciətlərin bir qismi aidiyyəti qurumlarla birlikdə yerində həll edilmişdir. Digər müraciətlər isə nəzarətə götürülmüş və həll olunması üçün müvafiq tədbirlərin görüləcəyi barədə seçicilərə məlumat verilmişdir.
Eyni zamanda Milli Məclisin deputatı Əli Hüseynli Yevlax rayon Nemətabad kənd sakini,1-ci dərəcəli əlil Zərnişanova Nuriyə Sabir qızının müraciəti əsasında onu evində ziyarət edərək, (Wollex w 123 markalı) akmulyatorlu əlil arabası hədiyə etmişdir.
Görüş çərçivəsində Milli Məclisin deputatı diqqətə çatdırıb ki, Yeni Azərbaycan Partiyası Prezident İlham Əliyevin ali rəhbərliyi ilə saysız-hesabsız uğurlara imza atmaqdadır. Məhz bu uğurlu siyasət kursu bizim sabit və firavan gələcəyimizi layiqincə təmin etməkdədir. Vətəndaşlara xüsusi diqqət və qayğı göstərmək, onların sosial rifah halının yaxşılaşdırılması dövlət siyasətinin prioritet istiqamətlərindən biridir. Azərbaycan bu gün ərazi bütövlüyü tam şəkildə təmin olunmuş və sarsılmaz dövlətdir. Möhtərəm Prezident, Müzəffər Ali Baş Komandan cənab İlham Əliyevin düzgün və məqsədyönlü siyasəti və ölkədəki güclü xalq-iqtidar birliyi bizim gələcəkdə də bir çox nailiyyətlərə şahidlik edəcəyimizi təsdiq edən ən vacib amildir.
Vətəndaşlar ümumilikdə göstərilən diqqət və qayğıya və Azərbaycanda həyata keçirilən güclü siyasət kursuna görə Ölkə Prezidenti, Yeni Azərbaycan Partiyasının Sədri cənab İlham Əliyevə və Birinci vitse-prezident, Yeni Azərbaycan Partiyasının Sədr müavini hörmətli Mehriban xanım Əliyevaya minnətdarlıq hissini ifadə ediblər.
Əli Hüseynli seçicilərlə görüşdü
Milli Məclisinin deputatı, Milli Məclis Sədrinin birinci müavini Əli Hüseynli Yevlax rayonunun Xaldan, Gülövşə və Meyvəli kəndlərinin sakinləri ilə görüş keçirib
XALQ.AZ məlumat verir ki,görüşdə qabaqcadan yerində görüş üçün müraciət etmiş kənd sakinləri iştirak ediblər. Sakinlərin müraciətlərini dinləyən Milli Məclisin deputatı Əli Hüseynli, qaldırılan məsələlərin həlli ilə bağlı aidiyyəti üzrə müvafiq tapşırıqlarını vermiş, bəzi müraciətlər yerindəcə həll edilmişdir.
Sakinlər problemlərinin həll edilməsi məqsədilə yerlərdə həyata keçirilən tədbirlərə, göstərilən yüksək diqqət və qayğıya görə Ölkə rəhbəri, Müzəffər Ali Komandan cənab İlham Əliyevə öz minnətdarlıqlarını bildiriblər.
