Milli Məclisin deputatı Fatma Yıldırım seçicilərlə növbəti görüşünü keçirib.

XALQ.AZ məlumat verir ki, millət vəkili Bərdə rayonu Alaçadırlı kəndində seçicilərilə görüşüb. Qəbul zamanı seçicilərin çoxsaylı müraciətlərini dinlənilib. Müraciətlər əsasən təhsil, səhiyyə, içməli və suvarma suyu, elektrik və yol infrastrukturunun yaxşılaşdırılması, kommunal məsələlər, işsizlik və özünüməşğulluq, sosial müdafiə məsələləri, torpaq məsələlərini əhatə edirdi. Sakinlərin problemləri diqqətlə dinlənilb və qeydə alınıb. Vətəndaşlarla görüşün səmərəliliyinin artırılması məqsədilə yerli icra hakimiyyəti orqanlarının məsul şəxsləri və aidiyyəti üzrə idarə rəhbərləri də qəbulda iştirak etmişdir. Bəzi məsələlər yerində həll olunub. Müraciətlərə görə aidiyyatı qurumlara sorğu göndəriləcək. Növbəti vətəndaş qəbulu noyabrın 7-də Bərdə şəhərində Yeni Azərbaycan Partiyasının inzibati binasında keçiriləcək.