“Azəri Med” QSC-yə inzibati protokol yazılıb.

Protokol Dövlət Gömrük Komitəsi tərəfindən İnzibati Xətalar Məcəlləsinin 496.1-ci (Malların saxlanca qoyulması və saxlanc qaydalarının (müddətlərinin) pozulmasına, o cümlədən gömrük və müvəqqəti saxlanc anbarlarında mallarla müxtəlif əməliyyatların aparılmasının müəyyən olunmuş tələblərinə və şərtlərinə riayət edilməməsinə görə fiziki şəxslər əlli manatdan yüz manatadək məbləğdə, vəzifəli şəxslər yüz əlli manatdan iki yüz əlli manatadək məbləğdə, hüquqi şəxslər üç yüz manatdan beş yüz manatadək məbləğdə cərimə edilir) maddəsinə əsasən tərtib olunub.

İş Xəzər Rayon Məhkəməsinin hakimi Ramilə Xəzrinin icraatındadır.

“Azəri Med” QSC Azərbaycanın tibb sektorunda fəaliyyət göstərən ən iri şirkətlərdən biridir.Şirkətin deputat Kəmaləddin Qafarova məxsus olduğu bildirilir. Qarşı tərəf indiyədək bu iddianı təkzib etməyib.