Rusiyanın Moskva, Novosibirsk, Yekaterinburq və Xabarovsk və digər şəhərlərində icazəsiz etiraz aksiyaları keçirilib.

XALQ.AZ Rusiya KİV-inə istinadən xəbər verir ki, Moskvadakı icazəsiz etiraz aksiyası başa çatıb. Paytaxt polisinin məlumatına görə, aksiyada 2 minə yaxın insan iştirak edib. Moskva İctimai Müşahidə Komissiyası 150-yə yaxın şəxsin saxlanıldığını bildirib.

Yekaterinburqda mitinqə 2 minədək insan toplaşıb. Polis səsgücləndiricilər vasitəsilə ictimai asayişi qorumağa çağırır.

Sosial şəbəklərdə yazılan məlumatlara görə isə 10 minlərlə insan aksiyalara qatılıb və saxlanılanlar var.