Xəbər verdiyimiz kimi Milli Məclisin sədri, Parlamentlərarası İttifaqda Azərbaycan nümayəndə heyətinin rəhbəri Sahibə Qafarova İsveçrə Konfederasiyasının Cenevrə şəhərində keçirilən Parlamentlərarası İttifaqın 149-cu Assambleyasında iştirak edib. Sahibə Qafarova bir sıra görüşlər keçirib.

Ermənistan parlamentinin sədri Alen Simonyanın Azərbaycandan olan həmkarı Sahibə Qafarova ilə Cenevrədə baş tutmalı olan görüşü son anda ləğv edilib.  XALQ.AZ -ın məlumatına görə, bu barədə erməni spikerin mətbuat katibi Movses Arutyunyan Facebook sosial şəbəkəsindəki səhifəsində məlumat verib. “Son anda Azərbaycan tərəfi əvvəllər əldə edilmiş razılaşmadan imtina etdi”, – deyə Arutyunyan bildirib.

O aydınlaşdırıb ki , Simonyan İrəvana qayıdanda baş verənlərin vəziyyətini izah edəcək.