Rusiya vətəndaşı Gülnarə Sabir qızı Həşimova Azərbaycanın 2 saylı İnzibati iqtisad Məhkəməsinə müraciət edib.

 

 

Məlumata görə, G.Həşimovanın müraciətinə səbəb keçmiş həyat yoldaşından rəsmi nikahda olduğu müddətdə yaşadıqları evdən pay istəməsidir. Ancaq məlum olub ki, Rusiya vətəndaşı olan bu şəxs milliyyətcə erməni imiş.

Belə ki, əsl adı Marqaryan Armenuş Martirosovna olan qadın Eçmiədzin şəhərində doğulub və sonradan Bakıya köçüb.

1975-ci ilin aprel ayının 3-də isə azərbaycanlıyla ailə həyatı qurub. 20 Yanvar hadisələrindən sonra ailə dağılıb. Bundan sonra Armenuş 1992-ci ilin iyul ayında Bakı şəhəri Xətai rayon VVAQ şöbəsində naməlum şəkildə adını dəyişməyə müvəffəq olub.

Məsələnin qəribə tərəfi odur ki, Armenuş Gülnarə olana kimi soyadı Həşimova, atasının adı isə Sabir imiş. Bunu Armenuşun adı dəyişdirdiyi sənədlər deyir.

Armenuş indi Rusiya vətəndaşıdır, Rostov şəhərində yaşayır. Amma sənədlərdə adı Həşimova Gülnarə Sabir qızıdır. İndi Armenuş Rusiyada yaşaya-yaşaya keçmiş əriylə ev davası döyür. Məhkəmələrə müraciət edir. Hətta Armenuşu müdafiə etmək üçün azərbaycanlı vəkillər də tapılıb.

Amma buna rəğmən, iki sayli İnzibati İqtisad Məhkəməsi onun tələbini rədd edib.Publika.az