Aralıq dənizi sahillərində yaşanan mühacir böhranı davam edir.

XALQ.AZ-ın məlumatına görə, İtaliyanın sahil təhlükəsizlik qüvvələri, Şimali Afrika ölkələrindən Avropaya keçməyə çalışarkən dəniz sularının əsarətində qalan 600-ə yaxın mühaciri xilas edib.

Əməliyyatlar kifayət qədər uğurlu olub. Lakin qrup Liviya sahilindən ayrıldıqdan bir neçə saat sonra göyərtəsində 40-a yaxın mühacir olan kiçik ölçülü qayıq batıb. Xilasedicilər qayığı tapa bilməyib.

Təkcə bu ilin əvvəlindən etibarən Avropa qitəsinə keçməyə çalışan 3 mindən çox mühacir dənizdə boğularaq həyatini itirib. Mühacirlərin əksəriyyəti öz ölkəsində yaşanan dini və etnik zorakılıqlardan qaçmağa çalışır.