Ötən il Azərbaycanda ümumilikdə təxminən 114 mln. manat həcmində şübhəli əməliyyat həyata keçirilib

Bu barədə Azərbaycan Mərkəzi Bankı yanında Maliyyə Monitorinqi Xidmətinin 2013-cü ilə dair hesabatında verilən məlumata görə, 2013-cü ildə ümumi həcmi 113,9 mln. manat təşkil edən 603 əməliyyat şübhəli hesab olunub.

Bundan başqa, ötən il ərzində 230,1 mln. manat həcmində yüksəkriskli əməliyyatlar həyata keçirilib.

Qurumun açıqladığı rəqəmlərə əsasən, 2011-2013-cü illər ərzində 829,5 min əməliyyat şübhəli qismində qeydə alınıb. (APA)